Subramanya Swamy Temple

           தமிழ் கடவுள் முருகப் பெருமான் அருள் பாலிக்கும் 6 திருத்தலங்களில் திருத்தணி அருள்மிகு சுப்பிரமணிய சுவாமி திருக்கோயில் ஐந்தாவது திருத் தலமாக திகழ்கிறது திருச்செந்தூரில் சூரபத்மனை வதம் செய்த பிறகு சினம் தணிந்து திருத்தணியில் வள்ளி தெய்வானையுடன் பக்தர்களுக்கு அருள் புரிவதால் இத்தளத்திற்கு தணிகை எனப் பெயர் வந்தது.அருணகிரிநாதர் கச்சியப்ப முனிவர் பாம்பன் சுவாமிகள் மற்றும் பல கவிஞர்கள் பல நூற்றாண்டுகளுக்கு முன்பே இத்திருக்கோவில் பற்றி பாடல்கள் எழுதியுள்ளனர்.

                தமிழ்நாடு அறநிலைய ஆட்சித் துறையின் கீழ் இயங்கி வரும் இத்திருக்கோயில் ஆனது சென்னையில் இருந்து 85 கிலோமீட்டர் தொலைவிலும் காஞ்சிபுரத்திலிருந்து 33 கிலோமீட்டர் தொலைவிலும் திருவள்ளூரில் இருந்து 38 கிலோமீட்டர் தொலைவிலும் அமைந்துள்ளது. திருத்தணி முருகப்பெருமானின் மலைக்கோவில் ஆனது இயற்கை சூழ்ந்த மலைகளின் நடுவே அழகாக அமைந்துள்ளது. மலைக்கோயிலுக்கு பக்தர்கள் செல்லும் வகையில் சரவணப்பொய்கை பிரதான படிகட்டுகள் வழி நரசிம்மன் சுவாமி கோயில் தெரு யானை பாதை வழியே மற்றும் மேல் திருத்தணி நலன்குளம் படிக்கட்டுகள் வழி உள்ளது மேலும் வாகனங்கள் வழியாக மலைக்கோயிலுக்கு செல்ல வழி உள்ளது. மேலும் வாகனங்கள் வழியாக மலைக்கோயில் செல்ல மலைப்பாதை வழியுள்ளது.